اسلام آباد (کرائم رپورٹر)ڈی آئی جی اسلام آباد محمد جو اد طا رق نے اگلے عہد وں پر ترقی پانے والے افسران کو ایک پروقار تقریب میں رینک لگائے، تقریب میں ترقی یاب ہونے والے افسران کے اہل خانہ کو خصوصی طور پر مدعو کیا گیا،آپکی محنت،لگن،بہادری، ہمت اور حوصلے کو سلام پیش کرتا ہوں،یہ ایک مقدس محکمہ ہے اس محکمہ میں جو ذمہ داری ہے اسے ہر صورت پورا کرنا ہے.
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پراسلام آباد پولیس میں محکمانہ ترقیوں کا سلسلہ جاری ہے،اس سلسلہ میں ڈی آئی جی اسلام آ باد محمد جو اد طار ق نے نئے ترقی یاب ہو نے والے افسران کو رینک لگانے کی پروقار تقریب کا انعقاد کیا گیا،تقریب میں ڈی آئی جی اسلام آباد نے بطور مہمان خصوصی شرکت کی،اس موقع پر ایس ایس پی آ پر یشنز زاسلام آ باد محمد شعیب خا ن، ایس پی صدر زون ودیگر سینئر پولیس افسران بھی موجود تھے، ڈی آئی جی اسلام آباد نے ترقی پانے والے پولیس افسران کو رینک لگائے،انہیں مبارک باد پیش کی اور ان کےلئے نیک خواہشات کا اظہار کیا،اس موقع پر ڈی آئی جی اسلام آباد نے تقریب میں شامل پولیس افسران اور انکے اہلخانہ کو خوش آمدید کہا اور انکو مبارکباد پیش کی،آپکی محنت،لگن،بہادری، ہمت اور حوصلے کو سلام پیش کرتا ہوں .
انہوں نے مزید کہا کہ میری دعا ہے آپکو جو ترقی ملی جو رینک نصیب ہوئے اللہ کرے آپ اسکے ساتھ انصاف کریں،آپکے بچے آپکو اپنا ہیرو سمجھیں،آ پ کے والدین آپ پر فخر محسوس کریں،ہم ہر کوشش کریں گے کہ آ پ اور آپ کے اہلخانہ کے چہروں پر خوشیاں لائیں، لیکن اس کے بدلے آپ نے ایک کام کرنا ہے اور وہ جو قسم آپ نے کھائی ہے کہ مجرمان کا قلع قمع کرنا،شہریوں کو فوری انصاف مہیا کرنا انکی جان و مال کے تحفظ کو یقینی بناناکے وعدے کی تجدید کرنی ہے،انہوں نے مزیدکہا کہ اللہ کی خوشنودی حاصل کرنے کا واحد راستہ اللہ کے بندوں کیلئے آسانیاں پیدا کرنا ہے،اللہ کے فضل و کرم سے یہ غازیوں اور شہیدوں کا محکمہ ہے.
ہم نہ غازی بننے سے ڈرتے ہیں نہ شہید ہونے سے ڈرتے ہیں،صرف و صرف بہادری کی داستانیں رقم کرنے آتی ہیں،اپنی بات کو مختصر کرتے ہوئے کہوں گا کہ یاد رکھیئے گا کہ ترقی اللہ کی دی ہوئی امانت ہے، محکمہ میں جو ذمہ اری ملے اسے ہر صورت پورا کرنا ہے ڈی آئی جی اسلام آباد کے خصوصی احکامات پر اگلے عہد وں پر ترقی یاب افسران اور اہلخانہ کو بھی خصوصی طور پر تقریب میں مدعو کیا گیاتھا، ڈی آئی جی اسلام آباد نے کہا کہ محکمانہ ترقی ہر پولیس افسر کا بنیادی حق ہے.
