ریاض (کیپیٹل نیوز پوائنٹ) کینیڈا اور اٹلی نے علاقائی سکیورٹی صورتحال کے پیش نظر اپنے شہریوں کو سعودی عرب کے سفر میں احتیاط برتنے اور غیر ضروری سفر سے گریز کرنے کی ہدایت کر دی ، کینیڈین سفارت خانے نے اپنے شہریوں کو ہدایت کی ہے کہ وہ سعودی عرب کا غیر ضروری سفر کرنے سے گریز کریں اور ریاض اور دمام کے ہوائی اڈے استعمال نہ کریں۔
دوسری جانب اطالوی وزارت خارجہ نے بھی اپنے شہریوں کو سعودی عرب کے غیر ضروری سفر سے گریز کا مشورہ دیتے ہوئے کہا ہے کہ علاقائی سکیورٹی صورتحال کے پیش نظر سعودی عرب کے سفر میں احتیاط برتی جائے ، کینیڈا کی سرکاری ٹریول ایڈوائزری اور اٹلی کے سفارتی حکام کی جاری کردہ سکیورٹی ہدایات میں بھی سعودی عرب کے سفر سے متعلق احتیاطی تدابیر کی تصدیق کی گئی ہے۔
