اسلام آباد۔ ڈی چوک احتجاج کے سلسلے میں عمران خان اور علی امین گنڈاپور کے خلاف ایک اور مقدمہ درج کر لیا گیا ہے۔تحریک انصاف کے بانی چیئرمین عمران خان اور خیبر پختونخوا کے وزیراعلیٰ علی امین گنڈاپور کے خلاف وفاقی دارالحکومت کے ڈی چوک پر احتجاج کے معاملے میں ایک نیا مقدمہ درج کیا گیا ہے۔
یہ مقدمہ سرکاری مدعیت میں تھانہ نون میں ہنگامہ آرائی اور جلاو گھیراو کے حوالے سے درج کیا گیا ہے، جس میں دہشت گردی سمیت دس سنگین دفعات شامل کی گئی ہیں۔مقدمے میں کہا گیا ہے کہ پی ٹی آئی کے بانی رہنما جیل کے اصولوں سے ہٹ کر غیر ضروری ملاقاتوں اور رابطوں کی سہولت فراہم کر کے کارکنوں کو ریاست کے خلاف اکساتے ہیں۔ اس مقدمے میں عامر مغل سمیت تقریباً 3,000 نامعلوم کارکنان بھی شامل کیے گئے ہیں۔ مزید یہ کہ مقدمے میں کہا گیا ہے کہ مظاہرین نے سرکاری گاڑیوں پر حملہ کر کے انہیں نذر آتش کیا۔
