تھانہ نیوٹاؤن ایمرجنسی ہیلپ لائن 15 پر بوگس کال کرنے والا ملزم گرفتار

راولپنڈی(کرائم رپورٹر)تھانہ نیوٹاؤن نے،ایمرجنسی ہیلپ لائن 15 پر بوگس کال کرنے والا ملزم گرفتار۔ تفصیلات کے مطابق نیو ٹاؤن پولیس نے کاروائی کرتے ہوئے ایمرجنسی ہیلپ لائن 15 پر بوگس کال کرنے والے ملزم علی حیدر کو گرفتار کر لیا، ملزم علی حیدر نے 15 پر کال کی کہ ملک آباد پلازہ میں قتل ہو گیا ہے،واقعہ کی اطلاع پرنیوٹاؤن پولیس فوری موقع پر پہنچی،تحقیقات پر ایسا کوئی واقعہ ہونا نہ پایا گیا،نیوٹاؤن پولیس نے 15 پر بوگس کال کرنے والے ملزم کے خلاف مقدمہ درج کر کے ملزم علی حیدر کو گرفتار کرلیا، ایس پی راول محمد حسیب راجہ کا کہنا تھا کہ آپ کی ایک غلط کال کسی شہری کو ایمرجنسی سہولیات حاصل کرنے سے محروم کر سکتی ہے، 15 ایمرجنسی ہیلپ لائن شہریوں کی سہولت کے لیے ہے، غلط استعمال پر قانونی کاروائی ہو سکتی ہے۔