اسلام آباد(کرائم رپورٹر)ڈی آئی جی ہیڈکوارٹرز سید علی رضا کا تھانہ کوہسار کا دورہ فرنٹ ڈیسک،ریکارڈ اور حوالات سمیت تھانہ کے ہر سیکشن کا معائنہ کیا،شہریوں سے ملاقات کی،شہریوں کو تھانہ میں دی جانے والی سہولیات کا جائزہ لیااور تھانے کی فوری بہتری کے لئے احکامات جاری کئےتفصیلات کے مطابق ڈپٹی انسپکٹر جنرل آف پولیس ہیڈکوارٹرز سید علی رضا نے تھا نہ کوہسار کا دورہ کیا، انہوں نے تھا نہ کے ریکا رڈ سمیت فرنٹ ڈیسک اور دیگر شعبہ جات کو چیک کیا، ڈی آئی جی ہیڈکوارٹرز نے تھانہ میں شہریو ں کو دی جانے والی سہولیات کا بھی جائزہ لیا .
انہوں نے متعلقہ افسران کوشہریوں کے مسائل کے فوری حل کے لئے احکا ما ت جا ری کئے، اس مو قع پر ڈی آئی جی ہیڈکوارٹرز نے تمام افسران کو ہدایا ت جاری کر تے ہو ئے کہا کہ وہ تھا نہ میں آ نے والے سائلین کے ساتھ خوش اخلاقی سے پیش آئیں، خصوصا بزرگ شہر یو ں، عورتو ں اور بچوں کے سا تھ نا روا سلوک یاغیر مناسب رویہ ہر گز برداشت نہیں کیا جا ئے گا،انہوں نے سینئر افسران کو مزید ہدایات دیں کہ وہ پولیس افسران کی ویلفیئر اور انکو درپیش مسائل کو بھی ترجیحی بنیادوں پر حل کریں۔
