نواز شریف سے امریکی سفیر کی ملاقات

لاہور: امریکی سفیر نے جاتی امرا میں نواز شریف سے ملاقات کی ہے۔لیگی ذرائع کے مطابق، امریکی سفیر ڈونلڈ اے بلوم جاتی امرا پہنچے، جہاں انہوں نے مسلم لیگ ن کے رہنما اور سابق وزیراعظم میاں نواز شریف سے ملاقات کی۔ اس ملاقات میں مریم نواز بھی موجود تھیں۔وزیراعلیٰ پنجاب مریم نواز نے امریکی سفیر کا استقبال کیا۔ اس اہم ملاقات میں پاک-امریکا تعلقات کے حوالے سے مختلف امور پر گفتگو کی گئی۔ اس ملاقات میں وفاقی وزیر احسن اقبال کے علاوہ سینئر صوبائی وزیر اور سابق وفاقی وزیر اطلاعات مریم اورنگزیب بھی شریک تھیں۔