اسلام آباد ۔وفاقی دارالحکومت اسلام آباد میں پی آئی اے کے دفاتر کو 3 دن کے لیے بند کرنے کا فیصلہ کیا گیا ہے۔ اس ضمن میں ایک سرکلر جاری کیا گیا ہے جس میں تفصیلات فراہم کی گئی ہیں۔
سرکلر کے مطابق پی آئی اے کے دفاتر 14 سے 16 اکتوبر تک بند رہیں گے، اور یہ بندش شنگھائی کوآپریشن آرگنائزیشن کانفرنس کے پیش نظر کی گئی ہے۔
سرکلر میں یہ بھی واضح کیا گیا ہے کہ ایئرپورٹ پر شفٹ میں کام کرنے والے پی آئی اے کے ملازمین اپنی خدمات جاری رکھیں گے۔ اس کے علاوہ، آج سے وفاقی دارالحکومت کے ریڈ زون میں عام لوگوں کے داخلے پر بھی پابندی عائد کر دی گئی ہے۔
