پشاور (مانیٹرنگ ڈیسک) کے پی کے کے وزیر اعلی علی امین گنڈا پور کی ہدایت پر کابینہ کے فیصلے کی روشنی میں آئی جی اسلام آباد پولیس کے خلاف مقد مہ درج کرانے کیلئے پشاور کے تھانہ شرقی پشاور میں میں درخواست دے دی گئی۔ پولیس ذرائع کے مطابق درخواست محکمہ انتظامیہ خیبرپختونخوا کے اسٹیٹ افسر نےدی ،ذرائع نے بتایا درخواست جمع ہونے کی ریسیونگ بھی گئی ہے ۔ پولیس ذرائع کا کہنا ہے درخواست مین موقف اختیار کیا گیا ہے کہ اسلام آباد میں کے پی ہاؤس کی املاک کو نقصان پہنچایا گیا، درخواست میں آئی جی اسلام آباد سمیت 600 پولیس اہلکاروں کےخلاف مقدمہ درج کرنےکی استدعا کی گئی ہے۔اور کہا گیا کہ کے پی ہاؤس خیبرپختونخوا حکومت کی ملکیت ہے، آئی جی اسلام آباد کی سربراہی میں پولیس نے5 اکتوبر کو کےپی ہاؤس پرچھاپامارا اور چھاپےکے دوران کےپی ہاؤس میں توڑ پھوڑ کی گئی، کئی افراد زخمی بھی ہوئے۔خیال رہے کہ5 اکتوبر کو پی ٹی آئی کی احتجاج کی کال پر وزیراعلیٰ خیبر پختونخوا علی امین گنڈا پور کا قافلہ اسلام آباد میں پہنچاوہ خیبرپختونخوا ہاؤس چلے گئے تھے۔اس پر پولیس اور رینجرز نے کے پی ہاؤس میں چھاپہ مارا تھا تاہم علی امین گنڈاپور روپوش ہونے کے کے پی کے اسمبلی پہنچ گئے تھے.
کے پی کے کا بینہ فیصلہ آئی جی اسلام آباد سمیت چھ سو کے خلاف مقدمہ درج کی درخواست تھانے جمع
