راولپنڈی(کرائم رپورٹر) سٹی ٹریفک پولیس راولپنڈی کی پبلک ٹرانسپورٹ گاڑیوں کے حوالے سے جاری مہم کے دوران کاروائیاں جاری۔ سٹی پولیس آفیسر راولپنڈی کے خصوصی احکامات پر 25 اگست 2024 سے اب تک 13346 پبلک سروس گاڑیوں کے چالان کیے گئے، روٹ پرمٹ کی خلاف ورزی پر 6534 ، فٹنس سرٹیفکیٹ کی خلاف ورزی پر 5748 ، بغیر ڈرائیونگ لائسنس گاڑی چلانے پر 1064 چالان کیے گئے جبکہ 28 گاڑیوں کے کاغذات برائے معطلی متعلقہ محکموں کو بھیجے گئے اور 52 پبلک ٹرانسپورٹ گاڑیوں کے ڈرائیورز پر مقدمات کا اندراج بھی کیا گیا ، 2254 گاڑیاں مختلف تھانوں میں بند کی گئیں اور 14410000 روپے جرمانہ بھی عائد کیا گیا۔
سٹی ٹریفک پولیس نے 14 ستمبر 2024 سے زائد دھواں چھوڑنے والی گاڑیوں کیخلاف بھی کریک ڈاؤن کا آغاز کیا ھوا ھے چونکہ یہ گاڑیاں سموگ کا باعث بنتی ہیں ،جس پر ایسی گاڑیوں کے ڈرائیورز کو اس خصوصی مہم کے دوران اب تک 12118 چالان ٹکٹس جاری کیے گۓ اور 24236000 روپے جرمانہ بھی عائد کیا گیا۔جبکہ سٹی ٹریفک پولیس کی طرف سے سکول وینز سیفٹی کے حوالے سے جاری مہم میں اب تک 8309 گاڑیوں کو چیک کیا گیا، 3216 گاڑیوں کے ڈرائیورز کو چالان ٹکٹس ایشو کیے گۓ جبکہ 3080800 روپے جرمانہ بھی عائد کیا گیا اور 169 گاڑیوں کو مختلف تھانہ جات میں بند بھی کیا گیا-
