راولپنڈی(کرائم رپورٹر) تھانہ مندرہ نے،جی ٹی روڈ اور گردونواح میں وارداتیں کرنے والا 4 رکنی گینگ گرفتار،ملزمان سے مسروقہ رقم 17 لاکھ روپے، 03 مسروقہ موٹرسائیکل، 02 موبائل فون اور اسلحہ برآمد،ملزمان نے دوران تفتیش جی ٹی روڈ اور گردونواح میں متعدد وارداتوں کا انکشاف کیا۔تفصیلات کے مطابق مندرہ پولیس نے کاروائی کرتے ہوئے جی ٹی روڈ اور گردونواح میں وارداتیں کرنے والا 4 رکنی گینگ کو گرفتار کرلیا،گرفتار ملزمان میں حمید اللہ، سیف، رحمن اللہ اور زاہد خان شامل ہیں، ملزمان سے مسروقہ رقم 17 لاکھ روپے، 03 مسروقہ موٹرسائیکل، 02 موبائل فون اور اسلحہ برآمد ہوا،ملزمان نے دوران تفتیش جی ٹی روڈ اور گردونواح میں متعدد وارداتوں کا انکشاف کیا، ایس پی صدر محمد نبیل کھوکھر کا کہنا تھاکہ ملزمان کو ٹھوس شواہد کے ساتھ چالان عدالت کیا جائے گا،شہریوں کی جان و مال کی حفاظت اولین ذمہ داری ہے جس کے لیے تمام وسائل بروئے کارلائے جارہے ہیں۔
تھانہ مندرہ،جی ٹی روڈ اور گردونواح میں وارداتیں کرنے والا 4 رکنی گینگ گرفتار
