اسلام آباد(کرائم رپورٹر)انٹر ایجنسی ٹاسک فورس کا آٹھواں اجلاس اسلام آباد میں منعقد ہوا اجلاس کی صدارت ڈائریکٹر جنرل ایف آئی اے جان محمد نے کی اجلاس میں ایڈیشنل ڈائریکٹر جنرلز اور ایف آئی اے کے ڈائریکٹرز بھی شریک اجلاس میں قانون نافذ کرنے والے اداروں کے افسران نے بھی شرکت کی اجلاس میں وفاقی و صوبائی و آزادکشمیر پولیس، کوسٹ گارڈ، ایف سی، رینجرز، میری ٹائم سیکیورٹی ایجنسی، نادرا، پاسپورٹ آفس، وزارت خارجہ اور وزارت اطلاعت و نشریات کے افسران کی شرکت اجلاس کے آغاز پر ایڈیشنل ڈائریکٹر جنرل امیگریشن عباس احسن نے آئی سی ایم پی ڈی کے تعاون کا شکریہ ادا کیا۔
اجلاس کے شرکاء نے حالیہ کشتی حادثات میں قیمتی جانوں کے ضیاع پر افسوس کا اظہار کیا ڈائریکٹر اینٹی ہیومن سمگلنگ ثاقب سلطان نے اجلاس کے شرکاء کو انٹر ایجنسی ٹاسک فورس (IATF) کے قیام کے بنیادی مقاصد پر تفصیلی جائزہ پیش کیا گیا ، شرکاء کو انسانی اسمگلنگ میں ملوث عناصر کے خلاف کریک ڈاون پر رپورٹ پیش کی ڈائریکٹر امیگریشن ونگ ہارون جوئیہ نے شرکاء کو انسانی اسمگلنگ میں استعمال ہونے والے مختلف روٹس، ٹرانزٹ پوائنٹس اور دیگر اہم پہلوؤں پر بھی تفصیلی بریفنگ دی گئی اجلاس میں انسانی اسمگلنگ کے خلاف کی جانے والی کارروائیوں، ان سے وابستہ چیلنجز اور ان کے حل کے لیے کیے گئے اقدامات پر بھی روشنی ڈالی ، ایڈیشنل ڈائریکٹر جنرل ایف آئی اے امیگریشن ونگ عباس احسن نے وزیرِاعظم پاکستان کے احکامات کے تحت قائم کی گئی خصوصی ٹاسک فورس کے قیام، اس کے مقاصد اور اس کی اہمیت پر روشنی ڈالی ،
شرکاء کو نئی ویزہ رجیم پر بھی تفصیل سے روشنی ڈالی اور اس کے اثرات پر گفتگو کی۔
ایڈیشنل ڈائریکٹر جنرل لاء محمد جعفر نے انسانی اسمگلنگ میں ملوث عناصر سے متعلق معلومات اور ڈیٹا کو ڈیجیٹلائز کرنے اور اداروں کے ساتھ اس کی مؤثر شیئرنگ کی ضرورت پر بھی زور دیا ، ڈائریکٹر جنرل پی آئی ڈی زوبیہ مسعود نے وزیرِاعظم کی ہدایات پر انسانی سمگلنگ کی آگاہی کے حوالے سے چلائی جانے والی میڈیا مہم کے بارے میں بھی شرکاء کو آگاہ کیا ، اجلاس میں انسانی اسمگلنگ کی روک تھام سے متعلق مختصر دستاویزی فلمیں حاضرین کے ساتھ شیئر کی گئیں ، ڈائریکٹر جنرل ایف آئی اے جان محمد نے اجلاس کے شرکاء سے خطاب کرتے ہوئے کہا کہ انسانی سمگلنگ جیسے گھناونے جرم کا خاتمہ اداروں کی باہمی تعاون سے ممکن ہے ڈی جی ایف آئی اے جان محمد کا انسانی اسمگلنگ اور غیر قانونی ہجرت کے خلاف مشترکہ حکمت عملی پر زور مجرمانہ نیٹ ورکس انسانی حقوق اور قومی سلامتی کے لیے خطرہ ہیں۔
ڈائریکٹر جنرل ایف آئی اے جان محمد نے کہا کہ انسانی اسمگلنگ کا خاتمہ بین الاقوامی تعاون اور مؤثر قانون نافذ کرنے کے بغیر ممکن نہیں غیر قانونی ہجرت کی حوصلہ شکنی کے لیے ہنر مندی کے فروغ کے پروگرامز پر توجہ دی جائے گی گزشتہ سال 27,000 سے زائد مشتبہ مسافروں کو آف لوڈ کیا گیا ایف آئی اے انٹرپول کی مدد سے بین الاقوامی ایجنٹوں کے خاتمے کے لئے کوشاں ہے ایف آئی اے نے انسانی سمگلنگ میں ملوث ایجنٹوں کے کروڑوں مالیت اثاثہ جات اور بینک اکاونٹس منجمد کر دئیے ہیں انہوں نے کہا کہ یورپی یونین میں پاکستانیوں کی اسائلم درخواستوں میں کمی، ایف آئی اے کی مؤثر کارروائیوں کا نتیجہ ہے انسانی اسمگلنگ کے خلاف انٹیلیجنس شیئرنگ اور مشترکہ آپریشنز مزید مؤثر بنائے جائیں ایف آئی اے انسانی سمگلنگ کے حوالے سے دیگر اداروں کے افسران کی ٹریننگ کے لئے خصوصی اقدامات کرے گا عوام میں شعور اجاگر کرنے کے لیے آگاہی مہمات کو تیز کرنے وقت کی ضرورت ہے تمام ادارے عملی اقدامات کو یقینی بنائیں، عوام کو محفوظ قانونی راستوں سے متعلق آگاہ کریں .
ڈی جی ایف آئی اے نے مزید کہا کہ قانون کی بالادستی اور انسانی وقار کے تحفظ کے لیے جدوجہد جاری رکھیں گے ، اجلاس کے اختتام پر شرکاء کا انسانی اسمگلنگ کے خلاف جدوجہد جاری رکھنے کے عزم کا اعادہ
شرکاء کا انسانی سمگلنگ کی روک تھام کیلئے جدید ٹیکنالوجی کو بروئے کار لانے پر زور دیا شرکاء کا معلومات کے تبادلے کے لئے موثر حکمت عملی اختیار کرنے پر زور اجلاس کے شرکاء نے انسانی سمگلنگ کی فروغ میں ملوث عوامل کی روک تھام کیلئے انٹیلیجنس بیسڈ کارروائیوں پر زور دیا .
انٹر ایجنسی ٹاسک فورس شرکاء نے کہا کہ بارڈر پر شہریوں کی نقل و حرکت کے حوالے سے جدید طرز پر نظام متعارف کروانے پر زور دیا گیا غیر رجسٹرڈ ایمپلائمنٹ پروموٹرز کے خلاف سخت قانونی کارروائی عمل میں لائی جائے۔
شرکاء نے انسانی سمگلنگ کی روک تھام کے لئے الیکٹرونک اور سوشل میڈیا پر آگاہی مہم شروع کرنے پر اتفاق کیا گیا۔ شرکاء نے مزید کہا کہ عوام کی آگاہی کے لئے سول سوسائٹی کے اشتراک سے گجرانوالہ، منڈی بہاوالدین، گجرات میں سیمینار اور ورکشاپس کے انعقاد کا فیصلہ کیا گیا ، اجلاس کے شرکاء کا سوشل میڈیا پر عوام کو قانونی طریقے سے بیرون ملک ملازمت کی آگاہی مہم کے آغاز پر زور دیا گیا ، شرکاء نے انسانی سمگلنگ کی روک تھام کے حوالے سے باہمی تعاون، انسانی سمگلرز سے متعلق معلومات کے تبادلے اور افسران کی استعداد کار بڑھانے کے حوالے سے تمام تر کوششیں بروئے کار لانے کےعزم کا اظہار کیا گیا۔
