اسلام آباد(نیوز رپورٹر)نیشنل پریس کلب اسلام آباد کے سالانہ انتخابات میں صدر،سیکرٹری اور فنانس سیکرٹری کے بعد جرنلسٹ پینل نے ایگزیکٹو اور گورننگ باڈی کی تمام نشستیں جیت کرمسلسل بیسویں بار کلین سوئپ کر دیا،وفاقی وزیر ریلویز محمد حنیف عباسی کی نومنتخب عہدیداروں کو مبارکباد،انتخابی نتائج کا اعلان الیکشن کمیٹی کے چیئرمین عاصم قدیر رانا نے کمیٹی کے دیگر ممبران زاہد فاروق ملک، ناصر نقوی،عبدالرزاق سیال،حمید اللہ عابداور اکرم عابد کے ہمراہ کیا، اعلان کردہ نتائج کے مطابق نائب صدور کی تین مرد اور ایک خاتون کی نشست کیلئے جرنلسٹ پیل کے احتشام الحق نے1207،سید ظفر حسین ہاشمی نے 1005 ، شاہ محمد نے 984 جبکہ سحر اسلم خان نے 1058ووٹ حاصل کرکے کامیابی سمیٹی، جوائنٹ سیکڑٹریز کی تین مرد اور اور ایک خاتون کی نشست کیلئے شیراز علی گردیزی نے 1271، سید عون شیرازی نے1257 ،چوہدری جاوید بھاگٹ 1079 جبکہ سحرش قریشی نے سب سے زیادہ 1343 ووٹ حاصل کرکے اپنی اپنی نشستیں جیت لیں، ایگزیکٹو باڈی کی طرح گورننگ باڈی کے انتخابات میں بھی جرنلسٹ پینل کے امیدوار چھائے رہے اور تمام پندرہ کی پندرہ مرد اور دو خواتین کی نشستیں جیت لیں.
گورننگ باڈی میں کامیاب ہونے والوں میں عامر رفیق بٹ 1315،اظہار الحق خان نیازی 1205،احمد منصور1158، عاصم جیلانی 1146،بابر ملک 1115،محمد رضوان عباسی 1110،جعفر علی بلتی 1095،نوابزادہ خورشید 1070، شکیل اعوان 1049،محمد عثمان خان 1047،راجہ ماجد افسر 1037، تنویر شہزاد 1025، زین ہاشمی 1022،نوید احمد شیخ 997 ،مشکو علی 1089 جبکہ خواتین میں آسیہ کوثر 1090 اور فائزہ شاہ کاظمی 1079 شامل ہیں، این پی سی کے سالانہ انتخابات میں کامیابی پر وفاقی وزیر ریلویز محمد حنیف عباسی نے نو منتخب صدر اظہر جتوئی، سیکرٹری نیئر علی، فنانس سیکرٹری وقار عباسی سمیت جرنلسٹ پینل کے تمام کامیاب ہونے عہدیداروں کو مبارکباد پیش کرتے ہوئے کہا ہے کہ حکومت آزادی صحافت اور آزادی اظہار رائے پر کامل یقین رکھتی ہے،صحافی برادری ملک کا اہم ستون ہے،نیشنل پریس کلب ایک ایسا ادارہ ہے جو صحافیوں کے حقوق، آزادی اظہار رائے اورپیشہ ورانہ ترقی کیلئے نمایاں کردار ادا کر رہا ہے،وفاقی وزیر ریلوے نےامید کا اظہار کیاکہ نئی قیادت صحافیوں کی فلاح و بہبود، آزادی صحافت اور قومی مفاد میں مثبت کردار ادا کرے گی.
