اسلام آباد(نیوز رپورٹر)سی ڈی اے مزدور یونین (سی بی اے)چوہدری محمد یٰسین گروپ کے زیر اہتمام ریفرنڈم میں تاریخی کامیابی حاصل کرنے پر چیئرمین کمپلیکس سیکٹرG-7/4میں محفل اظہارتشکرکا انعقادکیا گیا جس میں پاکستان مسلم لیگ (ن) کے ممبرقومی اسمبلی ملک ابراراحمد،مسلم لیگ(ق) کے چیف آرگنائزرڈاکٹرمحمد امجد،چیف کمشنروچیئرمین سی ڈی اے چوہدری محمد علی رندھاوا،ممبرایڈمنسٹریشن طلعت محمود،ممبرانجینئرنگ سید نفاست رضا،ممبرپلاننگ ڈاکٹر محمد خالد حفیظ،مسلم لیگ ق ضلع اسلام آباد کے صدررضوان صادق،چوہدری جہانگیر،عاطف مغل،سی ڈی اے مزدور یونین کے جنرل سیکرٹری چوہدری محمد یٰسین،سابق ڈپٹی ڈجی جی سیکورٹی عبدالرزاق کیانی،ڈائریکٹرسیکورٹی خضرحیات ستی،ZTBLیونین کے ملک شمیض اعوان،سٹیٹ بنک یونین کے شفقت وڑائچ،معروف سیاسی و سماجی شخصیات ملک رعناز حسین،سید داؤدشاہ،طارق قدوس،راجہ رفیق آف بنی گالہ،علمائے کرام و مشائخ مولاناابو الفضل عبدالغنی نقشبندی،پیرقاری عبید احمد عبید نقشبندی مجددی،قاری گلزاراحمد مدنی،قاری ریحان حبیب سہروردی،شیراز عرفات،قاری عمردراز،چوہدری محمدنیاز،احمد نوازقادری،مزدور یونین کے صدر اورنگزیب خان،چیئرمین راجہ شاکر زمان کیانی،سپریم ہیڈمرزاسعیداختر،صوفی محمود علی،حاجی راجہ صابر،اظہار عباسی،اظہر خان تنولی،ملک دلشاد،ملک عاصم،چوہدری واجد گجر،چوہدری ابرار،سردارآصف،چوہدری زاہد احمد،اسدمحمود،محمد سرفرازملک سمیت مزدور یونین کے عہدیداران اور سی ڈی اے کے ہزاروں محنت کشوں نے شرکت کی،اس موقع پر سی ڈی اے مزدور یونین(سی بی اے) کے قائد اور پاکستان ورکرزفیڈریشن کے سیکرٹری جنرل چوہدری محمد یسیٰن نے تمام مہمانوں کا شکریہ ادا کرتے ہوئے کہاکہ ہم رب العزت کے شکر گزار ہیں کہ مزدور یونین نے رنگ،نسل اور مذہب سے بالاتر ہو کر سی ڈی اے محنت کشوں کی خدمت کی جسکی بدولت ہمیں ریفرنڈم میں پانچویں دفعہ کامیابی سے ہمکنارکیا.
جس پر ہم سی ڈی اے مزدور یونین کی پوری ٹیم اورمحنت کشوں کا تہہ دل سے شکریہ اداکرتے ہیں اور یقین دلاتے ہیں کہ سی ڈی اے ملازمین سے کیے گئے تمام وعدوں کو انشاء اللہ پایہ تکمیل تک پہنچائیں گے،ملازمین کے پلاٹوں کی الاٹمنٹ،انکے بچوں کی بھرتی اور دیگر مسائل کو حل کروانا ہماری اولین ترجیح ہے،انھوں نے کہا کہ رب العزت نے یہ کائنات اپنے محبوب سرورکائنات ؐ کے لیے تخلیق کی اور سی ڈی اے مزدور یونین کو یہ اعزاز بخشا کہ ہر سال اللہ تعالیٰ کے پیارے حبیب حضوراکرمؐ کا میلاد مناتے ہیں اور اسی کے صدقے اللہ تعالیٰ نے ہمیشہ سی ڈ ی اے مزدور یونین کو اپنے محنت کشوں کے لیے بہتر سے بہتر طور پر کام کرنے کا موقع فراہم کیا اور انشاء اللہ آئندہ بھی پہلے سے بڑھ کر سی ڈی اے ملازمین کی فلاح و بہود کے لیے اپنی جدوجہد جاری رکھیں گے،اس موقع پر انھوں نے چیئرمین سی ڈی اے اور انکی پوری ٹیم کاشکریہ اداکرتے ہوئے کہا کہ انکی انتھک محنت اور کوششوں کی وجہ سے ادارے کی نیک نامی میں اضافہ ہوا ہے اورادارے کے تمام ملازمین آپکے شانہ بشانہ کھڑے ہیں .
اور ملک کی ترقی اور شہریوں کی بہتری کے لیے انتظامیہ سے مکمل تعاون کریں گے،تقریب سے خطاب کرتے ہوئے چیئرمین سی ڈی اے چوہدری محمد علی رندھاوانے کہا کہ ریفرنڈم میں تاریخی کامیابی حاصل کرنے پر ہم سی ڈی اے مزدور یونین کے جنرل سیکرٹری چوہدری محمد یٰسین اورانکی پوری ٹیم کو مبارکباد پیش کرتے ہیں،تمام ملازمین میرے ہیروزہیں جنکی شب و روز محنت سے ادارے کی نیک نامی میں اضافہ ہواہے اور ہم تمام محنت کشوں کو یقین دلاتے ہیں کہ ان کے تمام مطالبات ترجیح بنیادوں پر حل کریں گے،پروگرام کے اختتام پر ملکی سالمیت اور ادارے کی ترقی کے لیے دعا کروائی گئی اور مرکزی یونین آفس کا افتتاح کیا گیا۔
