راولپنڈی (سٹاف رپورٹر )جڑواں شہروں میں بارش کا سلسلہ وقفے وقفے سے جاری ایم ڈی واسا محمد سلیم اشرف نے محکمہ موسمیات کی پشین گوئی پر واسا راولپنڈی ہائی الرٹ، رین ایمرجنسی نافذ کردی عملہ ہیوی مشینری کے ساتھ نشیبی علاقوں میں موجود انڈر پاس کمیٹی چوک ، لیاقت باغ ، بی بی ایچ مری روڈ اور صادق آبا کے نشیبی علاقوں میں ہیوی مشینری تعینات ہے محکمہ موسمیات کے مطابق سیدپور کے مقام پر سب سے زیادہ 19 ملی میٹر ، گولڑہ 19 ملی میٹر ، بوکڑہ 46 ملی میٹر پی ایم ڈی 24 شمس آباد پر 26 ملی میٹر , کچہری 60 ملی میٹر ، پیر ودھائی 19, گوالمنڈی 44 ملی میٹر جبکہ کٹاریاں کے مقام 19 ملی میٹر بارش ریکارڈ کی جا چکی ہے .
ایم ڈی واسا محمد سلیم اشرف نے کہا کہ شہر بھر کے نالوں اور نالہ لئی کی مانیٹرنگ کی جارہی ہے تاہم ابھی نالہ لئی میں پانی کا بہاؤ معمول کے مطابق ہے نالہ میں کٹاریاں کے مقام پر 6 فٹ جبکہ گوالمنڈی پل پر 4 فٹ ہے
بارش میں شہریوں سے اپیل ہے کہ وہ احتیاط کریں اور نالہ لئی کے قریب نہ جائیں کسی بھی قسم کی ایمرجنسی سے نپٹنے کیلئے تیار ہیں۔
