عالمی پلاسٹک آلودگی معاہدے پر پاکستان کی خطے کے شراکت دار ممالک سے اہم مشاورت.

اسلام آباد (سٹاف رپورٹر )وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نے جنیوا، سوئٹزرلینڈ میں پلاسٹک آلودگی کے خاتمے سے متعلق بین الحکومتی مذاکراتی کمیٹی (INC-5.2) کے پانچویں اجلاس کے دوران سعودی عرب، قطر، متحدہ عرب امارات، قازقستان، ایران، آذربائیجان، الجزائر اور کویت کے وفود کے ساتھ تفصیلی بریفنگ اور تبادلۂ خیال کیا، ان مشاورتوں میں ایک منصفانہ اور مؤثر عالمی پلاسٹک معاہدے کی تشکیل، سرکلر اکانومی کے فروغ، اور ترقی پذیر ممالک پر پلاسٹک آلودگی کے غیر متناسب اثرات سے نمٹنے کے لیے وسائل کی فراہمی پر غور کیا گیا، یہ ملاقاتیں پاکستان کی وسیع تر سفارتی کاوشوں کا حصہ ہیں، جن کا مقصد ماحولیاتی انصاف پر مبنی عالمی اتفاقِ رائے پیدا کرنا اور پائیدار ترقی کے لیے شراکت داری کو مضبوط بنانا ہے.