اسلام آباد(سپیشل رپورٹر ) وفاقی پولیس کی جانب سےنا تجربہ کار افسران کی تعیناتیوں کے باعث وفاقی دارالحکومت میں کروڑوں روپے مالیت کی ڈکیتیاں ، کار چوری ، موٹر سائیکل چوری ،راہ زنی ، اغوا سمیت دیگر سنگین نوعیت کی وارداتوں میں روز بروز اضافہ شہر میں شہری عدم تحفظ کا شکار ہو گئے.اسلام آباد میں 2025 کی پہلی ساہ ماہی جنوری تا مارچ صرف تین ماہ میں 1289 وارداتیں رپورٹ ہوئیں بڑی ڈکیتیوں کے دوران شہری 20 کروڑ روپے مالیت کی نقدی زیورات اور دیگر سامان سے محروم ہو گئے پولیس تاحال ملزمان کو گرفتار کرنے میں ناکام رہی .
کار چوری کی وارداتوں میں شہری لاکھوں روپے مالیت کی درجنوں قیمتی گاڑیوں اور موٹر سائیکلوں سے محروم ہو گئے شہر میں بڑھتے ہوئے جرائم کے باعث شہری عدم تحفظ کا شکار ہو چکے ہیں ذرائع کے مطابق تجربہ کار و سینیئر افسران کو کھڈے لائن لگا کر جونیئر افسران کو من پسند سیٹوں پر تعینات دیا کر نے کا انکشاف ہوا ہےذرائع کے مطابق جب سے ایک ایس پی شعیب خان کو اسلام آباد میں ایس ایس پی آپریشن تعینات کیا گیا ہے ، شہر میں وارداتوں کا سلسلہ نہ رک سکا، ائے روز شہر میں ڈکیتی، راہ زنی ، کار چوری ، موٹر سائیکل چوری ، سمیت دیگر وارداتوں کا سلسلہ روک نہ سکا بلکہ ایف سکس، سیون ،بحریہ ٹاون، ایف الیون، ایف ٹین مرکزجی الیون ، بحریہ انکلیو، سمیت ضلع بھر میں منشیات کے اڈے کھل چکے ہیں کروڑوں روپے مالیت کی غیر ملکی شراب سر عام فروخت ہوتی ہے .
لیکن جب سے ان کی تعیناتی ہوئی ہے ایک بھی بڑے گینگ کے خلاف کاروئی نہ ہو سکی بلکہ ان کے ملازمین کے خلاف مقد مات درج کر کے معا ملات گول کر دئے جاتے ہیں ، ذرائع کا کہنا ہے کہ وہ اپنے دفتر میں بیٹھ کر ماتحت پولیس افسران سےناروا سلوک کرتے ہیں جس کی وجہ سے ضلع بھر کے 27 تھانوں کے ایس ایچ اوز تفتیشی افسران بھی سخت پریشان ہیں،ماتحت جس وجہ سے ماتحت پولیس افسران اور ایس ایچ او اپنی ڈیوٹی اور تفتیش پر مکمل توجہ نہ دے پا رہے ہیں ماتحت پولیس آفیسر نے نام ظاہر نہ کرنے کی شرط پر بتایا کہ ایس ایس پی آپریشن جو کہ ایک جونیئر ایس پی ہیں اور افسران بالا کی نوازش پر ان کو ایس ایس پی آپریشن تعینات کیا گیا ہے،سیٹ ملتے ہی وہ آپے سے باہر ہیں روزانہ کی بنیاد پر ماتحت ملازمین جن کی تنخوابھی کم ہے بطور سزا کاٹ لی جاتی ہے اس مہنگائی کے دور میں ملازمین سخت پر یشان ہیں اب تو ایسا لگتا ہے کہ وہ اسلام آباد پولیس میں ڈیلی ویجزز کے ملاز م ہیں .
جس دن ڈیو ٹی کی اس دن کی تنخواہ مل جاتی ہے اس حوالے سے جب ایس ایس پی آپریشن شعیب خان سے ان کا موقف جاننے کے لیے ان سے رابطہ کیا گیا تو انہوں نے جواب نہ دیا جب آئی جی اسلام آباد ناصر رضوی سے رابطہ کیا گیا تو انہوں نے فون اٹینڈ نہ کیا تا ہم ان کے پی آر او نے بتایا کہ آئی جی نے جو جونیئر افسر تعینات کیا ہے انہیں دیگر مراعات ان کے پے سکیل کے مطابق ہی مل رہی ہے.
