اسلام آباد (سٹاف رپورٹر )علامہ اقبال اوپن یونیورسٹی کے وائس چانسلر پروفیسر ڈاکٹر ناصر محمود نے کانووکیشن 2025 میں شرکت کے خواہشمند فارغ التحصیل طلبہ کے لیے اہم اعلان کیا ہے۔ ڈائریکٹوریٹ آف پبلک ریلیشنز کے مطابق یونیورسٹی نے رجسٹریشن کی آخری تاریخ میں توسیع کرتے ہوئے اسے 30 ستمبر 2025ء تک بڑھا دیا ہے۔وائس چانسلر نے کہا ہے کہ یونیورسٹی نے معذور طلبہ کے لیے رجسٹریشن فیس میں 50 فیصد خصوصی رعایت فراہم کی ہے تاکہ وہ بھی اس یادگار تقریب کا حصہ بن سکیں۔
مزید برآں پی ایچ ڈی ڈگری ہولڈرز اور میڈلسٹس کو اپنے ہمراہ ایک مہمان لانے کی بھی سہولت دی گئی ہے۔کانووکیشن میں شرکت کے لئے وہ طلبہ اہل ہیں جنہوں نے اپنی ڈگریاں سمسٹر خزاں 2022 سے خزاں 2024 کے دوران مکمل کی ہیں۔ یونیورسٹی نے تمام اہل طلبہ پر زور دیا ہے کہ وہ اس تاریخی موقع پر شرکت کو یقینی بنانے کے لیے اپنی رجسٹریشن 30 ستمبر تک مکمل کریں۔رجسٹریشن کے لیے یونیورسٹی کا آن لائن پورٹل https://convocation.aiou.edu.pkدستیاب ہے۔مزید معلومات یا رہنمائی کے لیے طلبہ کنٹرولر امتحانات محمد زاہد خاکی سے اُن کے فون نمبر 9571717-051یابذریعہ ای میل [email protected]پر رابطہ کرسکتے ہیں۔
