لاہور(سٹاف رپورٹر )وزیراعلیٰ پنجاب کی زیر صدارت خصوصی اجلاس منعقد ہوا،جس میں سنٹرل بزنس ڈسٹرکٹ پراجیکٹ،راوی اربن ڈویلپمنٹ اتھارٹی اور نواز شریف آئی ٹی سٹی پر پیشرفت کا جائزہ لیاگیا۔وزیراعلیٰ مریم نواز نے فیوچر پراجیکٹس کی جلد تکمیل کی ضرورت پر زور دیا۔ وزیراعلیٰ نے فیوچر پراجیکٹس سے متعلق سہ ماہی رپورٹ پیش کرنے کی ہدایت کی اور روڈا کاقابل عمل بزنس پلان طلب کر لیا۔اجلاس میں روڈا فیز ون کی تکمیل کے لئے دو سال کا ہدف مقررکیاگیاہے۔
وزیراعلیٰ مریم نواز کو سی بی ڈی، روڈا اور این ایس آئی ٹی پر تفصیلی بریفنگ دی گئی۔بریفنگ کے دوران بتایا گیا کہ روڈا بند بننے سے لاہور دریائے راوی کے سیلاب سے محفوظ ہوجائے گا۔ انٹرٹینمنٹ سٹی میں چین اور ترکیہ کی کمپنیوں نے دلچسپی کااظہار کیا،ڈی او ایف روبوٹک اور یو بینڈ پلیرنے تھیم پارک میں اظہار دلچسپی کیا۔انٹرٹینمنٹ سٹی میں 80 سیٹر فلائنگ تھیٹر بھی بنایا جائے گا،سیلی کون سٹی، یونیورسٹی بلاک، اے ایس ٹی آر اے بلاک اور فلم سٹی میں مختلف اداروں نے دلچسپی کااظہار کیا۔نواز شریف آئی ٹی سٹی میں آئی ٹی ٹاور کی تعمیر78 فیصد مکمل کر لی گئی،راوی سٹی پاکستان کا پہلا مکمل گرین سٹی ہوگا۔
