اسلام آباد(نیوز رپورٹر) عالمی مالیاتی فنڈ ( آئی ایم ایف) نے بجٹ میںپاکستانی عوام کی چیخیں نہ نکلنے پر بجلی اور گیس کی قیمتوں میں مزید اضافے کا مطالبہ کر دیا ۔ذرائع کے مطابق آئی ایم ایف نے بجٹ میں سخت معاشی فیصلوں کو سراہتے ہوئے انہیں معیشت کیلئے ضروری قرار دیا۔ آئی ایم ایف نے 10 جولائی سے قبل بجلی اور گیس کی قیمتوں میں اضافے کا مطالبہ بھی کیا ہے،وزارت خزانہ کے ذرائع کا مزید کہنا ہے کہ آئی ایم ایف یکم جولائی سے پیشگی اقدامات کے تحت نرخوں میں اضافے اور بجلی مہنگی کرنے کے لیے نیپرا کے فیصلے پر فوری عمل درآمد چاہتا ہے۔ نئے مالی سال میں گیس کے ریٹ بڑھا کر سبسڈی کو کنٹرول کیا جائے اور نئے قرض پروگرام کے لیے آئی ایم ایف کی پیشگی شرائط پر عمل درآمد کیا جائے۔آئی ایم ایف کے وفد کاجولائی کے دوسرے ہفتے میں پاکستان آنے کا امکان ہے۔
ُبجٹ میں عوام کی چیخیں کیوں نہیں نکلیں:آئی ایم ایف نے بجلی اورگیس کی قیمتوں میں مزیداضافے کا مطالبہ کر دیا
