راولپنڈی(کرائم رپورٹر)ضلع بھرمیں عید الفطر کے اجتماعات بخریت اختتام پذیر راولپنڈی پولیس کے 5000 سے زائد افسران و جوانوں نے سیکورٹی کے فرائض سرانجام دئیے عیدالفطر کی نماز پولیس لائنز ہیڈ کوارٹرز راولپنڈی کی جامع مسجد میں ادا کر دی گئی ،آر پی او راولپنڈی بابر سرفراز الپا، کمشنر راولپنڈی انجینئر عامر خٹک، سی پی او راولپنڈی سید خالدہمدانی،ڈی سی راولپنڈی حسن وقار چیمہ،ایس ایس پی آپریشنز سمیت دیگر سینئر پولیس افسران اور اہلکاروں نے نماز عید ادا کی.
نماز کے بعد شہداء پولیس کے درجات کی بلندی، مسلم امہ اور ملک و قوم کی سلامتی کیلئے دعا کی گئی نماز عید کی ادائیگی کے بعد آر پی او راولپنڈی، کمشنر راولپنڈی،ڈی سی راولپنڈی، ایس ایس پی آپریشنز، سینئر پولیس افسران جوانوں سے عید ملے کانسٹیبل الطاف حسین شہید میس میں فورس کے لئے کھانے کا اہتمام کیا گیاتمام سینئر افسران نے پولیس افسران و جوانوں کے ہمراہ کھانا کھایا.
عید پر بہترین سیکورٹی کے فرائض سرانجام دینے پر آر پی او بابر سرفراز الپا اور سی پی او سید خالد ہمدانی کی جانب سے راولپنڈی پولیس کو شاباش ، شہریوں کے جان و مال کا تحفظ اولین ترجیح ہے جسے ہر صورت یقینی بنایا جائے گا، راولپنڈی پولیس آپ کے تحفظ کے لئے ہمہ وقت مصروف عمل اور آپ کی خوشیوں میں شریک ہے.
