راولپنڈی(کرائم رپورٹر) تھانہ گوجرخان نے،زہریلی شے کھلا کر قتل کرنے اور قیمتی اشیاء چرانے والی ملزمہ گرفتار، ملزمہ زہریلی اشیاء کھلا کر لوٹنے کے مقدمات میں پشاور، راولپنڈی اور وزیرآباد میں ریکارڈ یافتہ ہے،ملزمہ نے اگست 2024 میں گوجرخان کے رہائشی ساجد کو زہریلی شے کھلا کر قتل کیا تھا، ملزمہ مقتول کی رقم اور قیمتی اشیاء چوری کر کے فرار ہو گئی تھی۔ تفصیلات کے مطابق گوجرخان پولیس نے کاروائی کرتے ہوئے زہریلی شے کھلا کر قتل کرنے اور قیمتی اشیاء چرانے والی ملزمہ کو گرفتار کرلیا.
گرفتار ملزمہ کی شناخت شازیہ یونس عرف کوکو جان کے نام سے ہوئی، ملزمہ زہریلی اشیاء کھلا کر لوٹنے کے مقدمات میں پشاور، راولپنڈی اور وزیرآباد میں ریکارڈ یافتہ ہے،ملزمہ نے اگست 2024 میں گوجرخان کے رہائشی ساجد کو زہریلی شے کھلا کر قتل کیا تھا، ملزمہ مقتول کی رقم اور قیمتی اشیاء چوری کر کے فرار ہو گئی تھی، مقتول ساجد ہسپتال میں علاج کے دوران دم توڑ گیا تھا،گوجرخان پولیس نے واقعہ کا مقدمہ درج کر کے ہیومن انٹیلی جنس سمیت تمام زرائع بروئے کار لاتے ہوئے ملزمہ کو گرفتار کیا،ایس پی صدر محمد نبیل کھوکھر کا کہنا تھاکہ ملزمہ کو ٹھوس شواہد کے ساتھ چالان عدالت کیا جائے گا،شہریوں کے جان و مال پر حملہ کرنے والے قانون کی گرفت سے نہیں بچ سکتے۔
