انسداد دہشتگردی ڈیپارٹمنٹ کے جوانوں کی استعداد کار و پیشہ وارانہ صلاحیتوں کو مزید بڑھانے کیلئے سات روزہ کومبیٹ ریفریشر کورس کاانعقاد۔

سلام آباد (کرائم رپورٹر) اسلام آباد پولیس انسداد دہشتگردی ڈیپارٹمنٹ کے جوانوں کی استعداد کار اور پیشہ وارانہ صلاحیتوں کو مزید بڑھانے کیلئے سات روزہ کومبیٹ ریفریشر کورس کاانعقاد ۔وفاقی دار الحکومت کی سکیورٹی کوبہتر کرنے اور کسی بھی ناخوشگوار واقع کے سدباب کو یقینی بنانے میں انسداد دہشتگردی ڈیپارٹمنٹ کا کردار انتہائی اہمیت کا حامل ہے۔
انسپکٹر جنرل آف پولیس اسلام آباد سید علی ناصر رضوی کے خصوصی احکامات پر ایس ایس پی انسداد دہشتگردی ڈیپارٹمنٹ حمزہ ہمایوں کی زیر نگرانی اسلام آباد پولیس انسداد دہشتگردی ڈیپارٹمنٹ کے جوانوں کی استعداد کار اور پیشہ وارانہ صلاحیتوں کو مزید بڑھانے کے لئے سات روزہ کومبیٹ ریفریشر کورس شروع کیا گیا ہے، ریفریشر کورس میں سی ٹی ڈی اسلام آباد کے جوانوں کو بنیادی انسداد دہشت گردی کی تربیت دی جارہی ہے ،جوانوں نے کورس کے دوران فزیکل ٹریننگ، ویپن ہینڈلنگ،مغویوں کو بازیاب کرانے، اسلحہ سے لیس عناصر کو قابو کرنے، امن و امان کی صورتحال کو برقرار رکھنے کے متعلق مشقیں کیں،تاکہ کسی بھی ہنگامی صورتحال کو کنٹرول کیا جا سکے ،اسلام آباد پولیس سی ٹی ڈی نہا یت ہی مہارت کا مظاہرہ کرتے ہوئے فوری طور پر دہشتگردی اور جرائم پیشہ عناصر کے خلاف کارروائیاں عمل میں لاتی ہے ،جو ان کی بہترین تربیت کا منہ بولتا ثبوت ہے، وفاقی دارالحکومت کی سکیورٹی کوبہتر کرنے اور کسی بھی ناخوشگوار واقع کے سدباب کو یقینی بنانے میں انسداد دہشتگردی ڈیپارٹمنٹ اسلام آباد کا کردار انتہائی اہمیت کا حامل ہے،سی ٹی ڈی اسلام آباد شہریوںکے جان ومال کی حفاظت کو یقینی بنانے کے ساتھ دہشگردوں سے مقابلے کی بھرپور صلاحیت رکھتی ہے، ان تربیتی کورسز کے انعقاد کا مقصد پولیس افسران کی صلاحیتوں میں اضافہ اور ایمرجنسی کی صورت بہترین حکمت عملی اپنانا ہے