اسلام آباد (کرائم رپورٹر)آئی جی اسلام آباد کی زیر صدارت سروس ڈیلیوری اور عوامی خدمت میں بہتری کے لیے اہم اجلاسوں کا انعقاد شہر بھر میں سکیورٹی، عوامی خدمت اور جرائم کی روک تھام کے حوالے سے مختلف امور زیرغور،آئی جی اسلام آباد نے جدید تقاضوں پرپولیسنگ میں بہتری، سسٹم کی اپ گریڈیشن سمیت جدید ٹیکنالوجی سے سروس ڈیلیوری کو مو¿ثر بنانے کیلئے مربوط حکمت عملی پر زور دیا۔
تفصیلات کے مطابق انسپکٹر جنرل آف پولیس اسلام آباد سیدعلی ناصرر ضوی کی زیر صدارت سروس ڈیلیوری اور عوامی خدمت میں بہتری کے لیے اہم اجلاسوں کا انعقاد ہوا، اجلاس میں اسلام آباد پولیس کے سینئر پولیس افسران نے شرکت کی ،اس موقع پر آئی جی اسلام آباد نے اسلام آباد پولیس کی سروس ڈیلیوری اور عوامی خدمت میں بہتری کے لیے اہم فیصلے کئے،اجلاس میں ناکہ جات کو نئی شکل دینے اور بیرئیرز کو ہٹانے کے بعد شہریوں کو بہتر سہولیات فراہم کرنے کے لیے شہر میں جرائم کی شرح کو مزید کم کرنے سمیت شہریوں کے جان و مال کے تحفظ کو یقینی بنانے کے لیے پٹرولنگ کے دائرہ کار کو وسعت دینے کا بھی فیصلہ کیا گیا ہے.
اسی طرح آئی جی اسلام آباد سید علی ناصر رضوی نے ڈی جی سیف سٹی شاکر حسین داوڑ، ڈائریکٹر آئی ٹی اسلام آباد پولیس اور پنجاب انفارمیشن ٹیکنالوجی بورڈ کے جوائنٹ ڈائریکٹر لاءاینڈ آرڈر رائے راشدکے ساتھ بھی اہم ملاقات کی،اس موقع پر آئی جی اسلام آباد نے جدید تقاضوں کے مطابق پولیسنگ میں بہتری، سسٹم کو اپ گریڈ کرنے اور جدید ٹیکنالوجی کی مدد سے سروس ڈیلیوری کو مزید مو¿ثر بنانے کے لیے مربوط حکمت عملی کی ضرورت پر زور دیا،آئی جی اسلام آباد نے کہا کہ وفاقی دارالحکومت میں امن وامان کو قائم رکھنا اور شہریوں کو ہر ممکن سہولیات مہیا کرنا اسلام آباد پولیس کی اولین ترجیحات میں شامل ہے،انہوں نے تمام افسران کو جدید ٹیکنالوجیز کے موثر استعمال کو یقینی بنانے کی بھی ہدایت کی اور کہا کہ تمام موجود وسائل کو بروئے کارلاتے ہوئے پولیسنگ کے معیارکو مزید بہتر بنایا جائے اور شہریوں کے مسائل کے حل کیلئے تمام ترضروری اقدمات کئے جائیں۔
