اسلام آباد (سٹاف رپورٹر )چیئرمین سی ڈی اے، چیف کمشنر اسلام آباد اور ڈی جی سول ڈیفنس کی زیر صدارت سی ڈی اے ہیڈکوارٹرز اسلام آباد میں اہم اجلاس منعقد ہوا۔ اجلاس میں ممبر ایڈمن ، ممبر اسٹیٹ، ممبر انوائرمنٹ ڈی جی انوائرمنٹ ، ڈی جی ریسورس، آرکیٹیکٹ اور سی ڈی اے کے دیگر افسران نے شرکت کی۔ اجلاس میں شہریوں کیلئے ایف نائن پارک میں اسٹیٹ آف دی آرٹ لائبریری، سیاحت سے متعلقہ منصوبوں کے قیام کے حوالے سے تبادلہ خیال کیا گیا۔ اجلاس میں پبلک لائبریری کے قیام کے حوالے سے ڈیزائن اور متعلقہ سہولیات پر بریفننگ دی گئی۔
چیئرمین سی ڈی اے نے کہا کہ لائبریریاں ، علوم و فنون اور معلومات کے حصول کا بہترین ذریعہ ہیں ۔ علم اور معلومات کے حصول کا شوق رکھنے والے افراد سی ڈی اے سے باآسانی استفادہ کر سکیں گے کیونکہ لائبریری کی اہمیت و افادیت ایک مسلمہ حقیت ہے۔اجلاس میں سی ڈی اے کی ایف نائن پارک میں پبلک لائبریری کے ڈیزائن کو بین الاقوامی معیار کے مطابق تیار کرنے کی ہدایت کی گئی۔ انہوں نے کہا کہ اسلام آباد شہر میں انٹرنیشنل سٹینڈرڈ کے مطابق اسٹیٹ آف دی آرٹ پبلک لائبریری اور تمام ڈیجیٹل سہولیات پر مشتمل بنائی جائے گی ۔ انہوں نے کہا کہ پبلک لائبریری کو تمام جدید سہولیات سے مزین کیا جائے گا تاکہ لائبریری آنے والے شہریوں کو پارک میں واکنگ اور ، سائکلینگ ٹرائیک اور لائبریری کی سہولیات میسر فراہم کرنے کی ہدایت چیئرمین سی ڈی اے، چیف کمشنر اسلام آباد اور ڈی جی سول ڈیفنس محمد علی رندھاوا کو بریفننگ دیتے ہوئے بتایا گیا کہ پبلک لائبریری میں بچوں کو مطالعہ کے ساتھ پلے ایریا اور تفریحی سہولیات بھی میسر کی جائیں گی۔
چیئرمین سی ڈی اے نے لائبریری کے ڈیزائن میں ڈیجیٹل اور ای لائبریری کی تمام سہولیات میسر کرنے کی ہدایت ۔انہوں نے پبلک لائبریری کو قومی اور بین الاقوامی لائبریریوں سے ڈیجیٹلی منسلک کرنے کی ہدایت کی۔ چیئرمین سی ڈی اے نے اسلام آباد کے شہریوں کیلئے پبلک لائبریری کی ممبر شپ کی سہولیات کی فراہمی کو یقینی بنانے کی ہدایت کی۔ انہوں نے ہدایت کی کہ بین الاقوامی معیار کے مطابق لائبریری کی تعمیر کا قیام عمل میں لایا جائے۔بریفننگ دیتے ہوئے چیئرمین سی ڈی اے کو بتایا گیا کہ پبلک لائبریری میں ڈیجیٹل انڈیکس، سوشل زون اور کو-ورکنگ سپیسز کی سہولیات بھی ہونگی۔ اسی طرح لائبریری میں مختلف ایونٹس کے انعقاد کیلئے کانفرنس ہالز کی جگہ بھی مختص کی جائے گی۔ انہیں مزید بتایا گیا کہ پبلک لائبریری میں پانچ لاکھ سے زائد کتابیں رکھنے کی گنجائش ہوگی۔چیئرمین سی ڈی اے نے پبلک لائبریری میں جدید ترین ریسرچ سینٹر اور لیب کی سہولیات بھی تعمیر کرنے کی ہدایت کی۔
اجلاس میں سیاحت سے متعلق منصوبے میں ایف نائن پارک میں تھیم پارک اور سفاری پارک کی تعمیر اور گالف کلب کے حوالے سے تبادلہ خیال کیا گیا۔ چیئرمین سی ڈی اے نے کہا کہ اسلام آباد میں اسٹیٹ آف دی آرٹ نرسری کی اپ گریڈیشن کے حوالے سے کام تیزی سے جاری ہے۔
