اسلام آباد(کرائم رپورٹر )اسلام آ باد تھانہ شمس کالونی پولیس ٹیم کی موثر کارروائی ،ڈکیتی کی واردات کے دوران مزاحمت پر شہری کو قتل کرنے والے دو ملزمان گرفتار، ملزمان کے قبضہ سے واردات میں استعمال ہونے والے دو عدد پستول اور چھینے گئے موبائل فون برآمد،گرفتار ملزمان کے خلاف متعدد مقدمات درج ہیں،مزید تفتیش جاری ہے۔
تفصیلات کے مطابق انسپکٹر جنر ل آ ف پولیس اسلام آ باد سید علی نا صر رضوی کے خصوصی احکا ما ت کی روشنی میں اسلام آ باد پولیس کا وفاقی دارلحکومت میں جر ائم پیشہ عنا صراور راہزنی کی وارداتوں میں ملوث ملزمان کیخلاف بلا تفریق کارروائیوں کا سلسلہ جاری ہے،اس سلسلے میں اسلام آ بادشمس کالونی پولیس ٹیم نے ڈکیتی کی واردات کے دوران مزاحمت پر شہری کو قتل کرنے والے دو ملزمان کو گرفتار کر لیا،گرفتارملزمان کی شناخت ارشد خالد اورکہف کے ناموں سے ہوئی ہے،ملزمان کے قبضہ سے وارداتوں میں استعمال ہونے والے دو عدد پستول اور چھینے گئے قیمتی مو بائل فون برآمدکر لیے گئے .
ابتدائی تفتیش کے دوران ملزمان نے گن پوائنٹ پر متعدد راہزنی کی وارداتیں کرنے کا انکشاف کیا ہے، ملزمان اسلحہ کی نوک پر راہگیروں اور دوکانداروں کو لوٹتے تھے اورمزاحمت پر شہریوں پر فائرنگ کر دیتے تھے ،گرفتار ملزمان کے خلاف تھانہ شمس کالونی میں متعدد مقدمات درج ہیں،ملزمان وارداتیں کرنے کے بعد کراچی میں روپوش ہو گئے تھے،مزید تفتیش جاری ہے،ڈی آئی جی اسلام آبادمحمد جواد طارق نے کہا کہ اسلام آباد پولیس شہریوں کی جان و مال کے تحفظ کیلئے تمام تر ممکنہ اقدامات اٹھا رہی ہے،کسی بھی جرائم پیشہ عنا صر کو عوام الناس کے امن میں خلل ڈالنے کی اجازت نہیں دی جائے گی، شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکوک چیز یا سرگرمی کے بارے میں اپنے متعلقہ تھانہ یاایمرجنسی ہیلپ لائن “پکار- “15 پر کریں.
