اسلام آباد(نیوز رپورٹر) صدر مملکت آصف زرداری کا اوصاف گروپ سے وابستہ سئینر صحافی جاوید شہزاد کی وفات پر گہرے دکھ اور افسوس کا اظہار کیا مرحوم جاوید شہزاد کی صاحب کی خدمات کو خراج تحسین پیش کیا اور مرحوم صحافی کے اہل خانہ کے ساتھ ہمدردی کا اظہار کیا ، دعائے مغفرت اور ورثاء کے لیے صبر جمیل کی دعا کی جبکہ وزیراعظم محمد شہباز شریف کا سینئر صحافی جاوید شہزاد کے انتقال پر گہرے افسوس اور رنج کا اظہار وزیراعظم کی مرحوم جاوید شہزاد بلندی ء درجات کی دعاء وزیراعظم کا مرحوم کے اہل خانہ سے اظہار تعزیت کی ،وفاقی وزیر اطلاعات عطاءاللہ تارڑ کا سینئر صحافی جاوید شہزاد کے انتقال پر اظہار افسوس وفاقی وزیر اطلاعات کا مرحوم کے لواحقین سے دلی تعزیت اور ہمدردی کا اظہار جاوید شہزاد کے انتقال کی خبر سن کر دلی افسوس ہوا، مرحوم کی شعبہ صحافت کے لئے خدمات کو ہمیشہ یاد رکھا جائے گا، سوگوار خاندان کے دکھ میں برابر کے شریک ہیں، اللہ تعالیٰ مرحوم کو اپنے جوار رحمت میں جگہ اور لواحقین کو صبر جمیل عطا فرمائے۔ آمین، عطاءاللہ تارڑ
وزیراعظم آزادکشمیر چوہدری انوارالحق کا اے بی این / اوصاف کے چیف رپورٹر جاوید شہزاد کے انتقال پر گہرے رنج و غم کا اظہار وزیراعظم آزادکشمیر کا غمزدہ خاندان سے اظہار تعزیت اللہ پاک جاوید شہزاد کے درجات بلند فرمائے ،اللہ پاک پسماندگان اور انکی ہم عصر صحافیوں کو صبر جمیل عطا فرمائے . جبکہ دوسری جانب پاکستان تحریک انصاف کی قیادت چیئرمین بیرسٹر گوہر علی خان، مرکزی سیکرٹری جنرل سلمان اکرم راجہ اور مرکزی سیکرٹری اطلاعات شیخ وقاص اکرم نے سینئر صحافی جاوید شہزاد کی رحلت کو نہایت صدمہ انگیز قرار دیتے ہوئے ان کے ادارے اور اہلِ خانہ سے دلی ہمدردی اور تعزیت کا اظہار کیا ہے۔ بطور صحافی جاوید شہزاد کی صحافت، ملک اور قوم کیلئے خدمات ہر لحاظ سے گراں قدر ہیں جنہیں ہمیشہ یاد رکھا جائے گا۔ رب ذوالجلال پسماندگان کو اس صدمۂ عظیم کا بارِ گراں اٹھانے کی ہمت اور سکت عطافرمائیں اور انہیں صبرِجمیل کی دولت سے نوازیں پاکستان تحریک انصاف کی قیادت اور کارکنان جاوید شہزاد مرحوم کے لواحقین کے ساتھ ان کے غم میں برابر کے شریک ہیں اور اپنے برادر عزیز کے بلندئ درجات کیلئے دعاگو ہیں۔
