کراچی (بیورو رپورٹ) شہر قائد کے مختلف علاقوں خصوصاً نارتھ ناظم آباد میں پولیس نے چھاپہ مار کارروائیاں کرتے ہوئے ایم کیو ایم کے دو اہم ارکان کو حراست میں لے لیا ، ذرائع کے مطابق سانحہ بلدیہ کیس میں رہائی پانے والے ایم کیو ایم کے رکن رحمان عرف بھولا کو بھی نارتھ ناظم آباد سے حراست میں لیا گیا ،ذرائع کا کہنا تھا کہ پولیس کی کارروائیاں مختلف مقامات پر جاری ہیں، تاہم حکام کی جانب سے گرفتاریوں کی وجوہات یا مزید تفصیلات تاحال جاری نہیں کی گئیں۔
